Head Axe

Walang handang data sa ngayon

Walang handang data sa ngayon

Para sa pamumugot ng ulo, ito ang ginugustong palakol ng mga Kalinga—aliwa sa kanilang wika. Ito’y may tanging anyo at talas. Ergonomic, o umaayon sa katawan ng gumagamit, ang hugis nitong gamit na sadyang yari para mabilis na humiwa o pumutol sa buto’t laman—tinutulungan ng center of gravity nito, na tama ang bigat sa tamang bahagi upang kusang humuhulog sa saglit na magtatagpas na ng ulo. Yun namang matulis na bahagi’y gamit sa pagpulot ng ulong nahulog sa pagkakapugot. Patakbong namumugot ang Kalinga. Hindi sya humihinto para pumatay, sa halip ay tuloy tuloy ang pagtakbo pabalik sa kanyang pamayanan, walang hinto o tigil. Isang pagpasok ang buong aksyon ng pamumugot sa isang kalagayang wari’y nangangarap, sanhi ng walang hintong pagtakbo punta sa target at balik sa barangay. Isang pagpaparusa ang pamumugot-ulo. Datapwat malalim ang kakaibhan nito sa ibang uri ng pagpaparusa sa mga dominanteng grupong Pilipino. Ang pagkakaiba’y nasa kinalalagyan ng pamumugot sa katutubong (Astronesyanong) sistema na lagiang nagnanais ng tamang timbang o balanse ng pakikipagpalitan. Naiiba ito sa modernong paligsahang pulitikong humahantong sa marahas na kamatayan, na kalimita’y tunggalian ng makakaibang konsepto ng kalagayang moral at panlipunan.

Ang ekslusibong Mga Karapatang Intelektwal na Pag-aari ng mga impormasyong nakatala sa website na ito ay nananatili sa (mga) manlilikha at sa Sentrong Pangkultura ng Pilipinas, at protektado ng mga batas ng Republika ng Pilipinas. Walang anumang bahagi ng website ang maaaring i-reproduce, ilathala, ipamahagi, o ipakalat sa anumang anyong pampubliko o anumang paraang komersyal nang walang paunang nakasulat na pahintulot mula sa (mga) manlilikha at sa CCP.

Para humingi ng mga pahitulot at paglisensya, mag-email sa vamd@culturalcenter.gov.ph.

Patuloy kaming nag-aaral tungkol sa aming mga koleksyon at sa pag-update ng nilalaman ng website na ito. Mayroon bang hindi wasto na impormasyon sa rekord na ito, na sa tingin mo ay kailangan naming ayusin o baguhin? Kontakin kami sa vamd@culturalcenter.gov.ph.